रामाभाष संजाल

नेपालका टेलिभिजनले आजदेखि १९ घण्टामात्र कार्यक्रम प्रशारण गर्ने घोषणा गरेका छन् ।
उर्जा संकटको घोषणा पछि टेलिभिजन प्रशासनमा समस्या देखिएको भन्दै नेपाली टेलिभिजनहरुले प्रशारण समय घटाएका हुन् ।
टेलिभिजन ब्रोडकास्टर्स नेपालले आज राजधानीमा एक कार्यक्रम गरेर टेलिभिजन प्रशारण समय घटाएको घोषणा गरेको हो ।
टेलिभिजन ब्रोडकास्टर्स नेपालले टेलिभिजन संकटकालको घोषण गर्दै लोडसेडिङको समय बढेपनि सरकारले टेलिभिजन प्रसारकहरूलाई कुनै सहयोग नगरेको पनि जनाएको छ ।

लोडसेडिङ्गका कारण रेडियो संचालनमा कठिनाइ भएको भन्दै नेपालका स्वतन्त्र रेडियोहरुले संचार मन्त्री कृष्णबहादुर महरा मार्फ नेपाल सरकारलाई १० बुद्धे ज्ञापन पत्र बुझाएका छन् ।
स्वतन्त्र रेडियोहरुका तीनवटै संगठनहरु ब्रोडकाष्टिङ एसोसिएसन अफ नेपाल बान, सामुदायिक रेडियो प्रसारक संघ र काठमाडौं उपत्यका एफएम प्रसारक मञ्चले आज संचार मन्त्री महरालाई ज्ञापन पत्र बुझाएका हुन् ।
ज्ञापन पत्रमा दैनिक १६ घण्टा लोडसेडिङका कारण ब्याट्री चार्ज गर्न बिद्युत नपुग भएको, एउटै जेनेरेटर लगातार १६ घण्टा चलाइ रेडियो संचालन गर्न नसकिने र जेनेरेटर चलाउँदा हुने ध्वनि प्रदुषणवाट रेडियो स्टेसन वरिपरिका बासिन्दालाई समस्या हुने भएकाले रेडियो स्टेसनहरु वन्द हुन थालेको उल्लेख छ ।
रेडियोहरु बन्द हुदाँ ८० प्रतिसत भन्दा बढी नेपाली जनता सुचनाको हकवाट बञ्चित भएको ठहर गर्दै नागरिकको सूचनाको हक निरन्तरताका लागि तत्काल फिडरलाइनवाट बिद्युत आपुर्ति ब्यवस्था मिलाउन ज्ञापन पत्रमा माग गरिएको छ ।
फिडरलाइन जडान गर्न नसकिने स्थानमा रहेका रेडियोहरुलाई जेनेरेटर खरिदमा पुरै भन्सार महसुल, र मूल्य अभिबृद्धि कर छुट गरिनु पर्ने, जेनेरेटर किन्न सहुलियत दरमा दिर्घकालिन कर्जाको ब्यवस्था र इन्धन खरिदमा ७० प्रतिसत अनुदान उपलब्ध गराउन पनि स्वतन्त्र रेडियोका तीनवटै संगठनले माग गरेका छन् ।
ब्यवस्थापिका संसद् र मन्त्री परिषद्को निर्णय बिपरित सूचना तथा सञ्चार मन्त्रालयले केहि रेडियो स्टेसनहरुलाई दोब्वर जरिवानासहित नवीकरण शुल्क तोकेको उल्लखे गर्दै पुस मसान्तसम्म सञ्चालनमा आएका सबै स्वतन्त्र रेडियोहरुको नवीकरण शुल्क र त्यसमा लाग्ने जरिवाना मिनाहा गरिनु पर्ने समेत ज्ञापन पत्रमा लेखिएको छ ।