रामाभाष संजाल

क्रियाशिल पत्रकार महिलाहरुको २ दिने सम्मेलन १० बुदे निष्कर्श निकाल्दै आज सकिएको छ ।
बुटवलमा भएको सम्मेलनले पत्रकार महिलाहरुको पेशागत निरन्तरता र सुरक्षाका लागी उपयुक्त बातावरण बनाउन सवैसँग सहयोगको आग्रह गरेको छ ।
नेपाल पत्रकार महासंघमा पत्रकार महिलाहरुको सहभागिता बढाउन महासंघले नया पहल चाल्नु पर्ने निष्कर्श पनि सम्मेलनले निकालेको छ ।
महासंघको केन्द्रिय कार्य समितिको चयन गर्न पार्ष प्रणाली खारेज गरि जिल्ला जिल्लाका सवै साधारण सदस्यहरुले मतदान गर्न पाउने व्यवस्था गर्नु पर्ने पत्रकार महिलाहरुले माग गरेका छ।
क्रियाशिल महिला पत्रकार धधव को आयोजनामा भएको सम्मेलनमा संविधान सभा, संघियता र मिडियाका बारेमा र सुदुर पश्चिम, मध्यपश्चिम र पश्चिमाञ्चल विकास क्षेत्रका पत्रकार महिलाहरुको सुरक्षा अवस्थाका बारेमा गरि चार ओटा कार्यपत्र माथी छलफल भएको थियो।
सम्मेलनमा तिन विकास क्षेत्रका ३५ जना पत्रकार महिलाहरुको सहभागीत थियो ।